Përmes një videomesazhi, Kurti bëri të ditur se përmes kësaj skeme, qeveria do të subvencionojë deri në 70 për qind të pagës bruto të punëtorit, ku maksimumi do të jetë 300 euro për gjashtë muaji, shkruan teve1.info
Ai theksoi se kushti i vetëm për të përfituar nga kjo skemë është që punëkërkuesi nuk ka të punësuar asnjë anëtar të familjes.
“Nga e hëna, krejt çka duhet të bëni ju si qytetarë, që kërkoni punë e që e plotësoni këtë kusht, dhe si punëdhënës privat që kërkoni punëtor, është të dërgoni dokumentet përkatëse në Zyrën e Punësimit në komunat tuaja. Ministria e Financave, Punës dhe Transfereve të hënën do të ndajë me ju të gjitha informatat e nevojshme”, është shprehur Kurti.
Tutje, Kurti tha se po bëjnë një hap tejet të rëndësishëm drejt Skemës së Punësimit të Garantuar dhe, sipas tij, po vendosin një standard të ri të politikave të punësimit që rrisin mirëqenien e qytetarëve. /Teve1.info/