Kryetari i Aleancës për Ardhmërinë e Kosovës, Ramush Haradinaj ka reaguar ndaj pezullimit të ShBA-së për dialogun strategjik me Kosovën.
I pari i AAK-së tha se Kosova është duke i kaluar ditët më të errëta në historinë e vet.
Sipas tij, Kosova sot gjendet në një situatë që nuk ka mundur sipas tij të paramendohet për vendin.
Derisa, ai ka ftuar të gjitha forcat politike dhe gjithë shoqërinë që të reflektojnë për situatën në të cilën gjendet vendi.
“Kosova po i kalon ditët më të errëta në historinë e vet. Ka një kohë të gjatë që unë dhe Aleanca kemi tërhequr vërejtjet tona për sjelljet e papërgjegjshme dhe destruktive të Kurtit dhe qeverisë së tij. Ndërsa sot gjendemi në një situatë që nuk ka mundur të paramendohet për Kosovën. I ftoj të gjitha forcat politike dhe gjithë shoqërinë kosovare që urgjentisht të reflektojmë për situatën në të cilën gjendemi”, ka shkruar Haradinaj./teve1.info/
