Qeveria e Kosovës të dielën përmes një mbledhje elektronike ka marrë vendim për ndryshim në kryesimin e bordit të drejtorëve të Korporatës Energjetike e Kosovës.
Sipas vendimin në krye të bordit të kësaj kompanie është emëruar Arton Ahmeti, ndërsa, Skender Haziri, i cili ka qenë kryesues i bordit do të jetë anëtar.
“Ndryshuar dhe plotësuar Vendimin e Qeverisë Nr. 02/58 të datës 2 shkurt 2022, për emërimin e bordit të Ndërmarrjes Publike Qendrore “Korporata Energjetike e Kosovës” si në vijim: 1.1. Arton Ahmeti, Kryesues; 1.3. Skender Haziri, anëtar. Pikat e tjera të Vendimit Nr.02/58 mbesin të pandryshuara”, thuhet në komunikatën e Qeverisë.
Sipas vendimit të shkurtit të vitit 2022, anëtarët tjerë të bordit ishin emëruar edhe Merita Kasapolli, Berzar Halilaj, Valbona Raifi, Mustafa Pllana e Valdrin Krasniqi.
Qeveria në mbledhjen e së dielës ka miratuar vendimin edhe për shpronësimin e disa pronave që kanë të bëjnë me zgjerimin e rrugës Prizren – Prevallë dhe asaj Dogonaj- Shtërpcë.
