Nga partitë opozitare deklarojnë se qeveria për këtë temë duhet të jetë në koordinim me aleatët ndërkombëtarë.
Hisen Berisha nga PDK thotë se tensionimet eventuale në Veri i konvenojnë Serbisë, pasi siç thotë ai, në bazë të informacioneve nga terreni janë infiltruar forca që qëndrojnë në uniforma.
“Çdo bashkërendim me Shtetet e Bashkuara të Amerikës nuk shkon në dëm të Kosovës… Mos të harrojmë se është informatë e terrenit, e vet policëve të Kosovës, njësive speciale, se janë infiltruar forca që qëndrojnë në uniforma të zeza, pa shenja, me të gjitha pajisjet e nevojshme për operacione dhe kanë depërtuar në territorin e Kosovës, nuk janë veç në veri ku i margjinalizojnë dhe i dhunojnë qytetarët duke i vendos nëpër barrikada etj. Plan ky të cilin e shfaqi edhe Vuciqi në deklaratat e tij, por janë të vendosur edhe nëpër regjionet tjera ku janë të vendosur qytetarët serbë dhe po i dhunojnë ata për t’i instrumentalizuar në shërbim të Vuçiqit dhe destabilizimit të Kosovës dhe krijimit të një tensioni atje në Veri”, tha Berisha.
Edhe partitë tjera, LDK e AAK thonë se qeveria nuk duhet të veproi me kryeneçësi për çështjen e targave.
“Ne si parti opozitare kemi dhënë qëndrimin tonë është përgjegjësi e Kurtit që të gjitha këto marrëveshje edhe zbatueshmërinë e këtyre proceseve duhet ta bëjë në koordinim me bashkësinë ndërkombëtare sepse fal tyre sot jemi këtu dhe si duke qasja e kryeministrit Kurti karshi aleatëve tanë nuk është e mirë. Ai duhet të marr vendime që i shkojnë në favor Republikës së Kosovës”, deklaroi Bunjaku.
“Kryeministri është përgjegjës për organizimin e jetës në vend, ai ka marrë përgjegjësi ai ka një plan organizativ, ka kontakte shumë të shpeshta dhe e din ku i kemi punët. Nuk është në interes të vendit që të kemi veprim kryeneçe për interesa individuale, pra vendi është para të gjithave jo vendimet”, tha Shemsedin Dreshaj – Aleanca për Ardhmërinë e Kosovës.
Ndërsa deputeti nga mazhoranca, Haki Abazi, në një konferencë për media të mbajtur gjatë ditës së sotme ka thënë se vendimi për targat duhet të shtyhet deri në fund të viti.
Kronika e gazetarit Valmi Galliopeni.
