KB Bora ka bërë përforcimin e parë të huaj për sezonin e ri në Superligën e Kosovës në basketboll.
Qendra Tyson Jackson, do të jetë pjesë e ekipit nga kryeqyteti pasi tashmë është prezantuar nga Bora.
Amerikani i gjatë 206 centimetra, do të jetë forcë e madhe nën kosh duke pasur parasysh përvojën e tij në NCAA dhe ligat evropiane.
Te Bora vlerësojnë lartë Jacksonin, i cili sezonin e shkuar ka qenë pjesë e skuadrës nga Gjeorgjia, Orbi dhe ka luajtur me një mesatare prej 18 pikëve e 10 kërcimeve për ndeshje.
Në të vërtetë, Jackson është përforcimi i dytë te Bora për sezonin e ri, pasi para tij kjo skuadër ka transferuar krah-qendrën Rron Ukaj.
Ndërkohë, në krye të Borës për sezonin 2025/26 do të jetë trajneri i mirënjohur nga Bullgaria, Lubomir Minchev.
