Pas ndërprerjes disa-ditore për shkak të pamundësisë financiare, N.P.K. “Trafiku Urban” SHA njofton qytetarët se transporti publik do të rifillojë nga nesër, 3 dhjetori 2025.
Lajmi i plotë:
Të nderuar qytetarë,
N.P.K. “Trafiku Urban” SHA bën me dije se nga nesër, 03 dhjetor 2025, rifillon shërbimi i transportit publik në Prishtinë.
Ndërprerja e ditëve të fundit ka qenë e pashmangshme për shkak të pamundësisë financiare të krijuar nga mospagesa e detyrimeve të Komunës së Prishtinës ndaj ndërmarrjes.
Në një komunikatë për qytetarët, ndërmarrja shpreh keqardhje të sinqertë për vështirësitë që qytetarët kanë përjetuar gjatë periudhës pa transport publik dhe i falënderon ata për mirëkuptimin dhe durimin.
N.P.K. “Trafiku Urban” SHA siguron se do të bëjë përpjekje maksimale për të ofruar shërbim sa më të rregullt dhe të sigurt për qytetarët.
