Por ai nuk beson që afati i marsit do të sjell marrëveshjen përfundimtare.
“Para pak ditësh kur patëm për vizitë pesë emisarë në Prishtinë, tregohej qartë që ka një seriozitet në këtë rrugëtim, rrugëtim i cili kërkon një përmbyllje, por natyrisht përfoljet se një përmbyllje e tillë mund të jetë në mars, unë druaj që marsi është shumë afër dhe për shkak të qëndrimeve diametralisht të kundërta nuk mund ta arrijmë atë afat kohor, por se çfarë mund të mbërrihet është që brenda këtij viti të paktën të përafrohen qëndrimet, duke marrë parasysh gjithmonë deklarimet publike të zyrtarëve shtetëror serb, duke filluar nga presidenti Vuçiq e më poshtë”, deklaroi ai në “Info Nata” në Tëvë 1.
Tutje, ai potencoi se zyrtarët serbë janë të gatshëm në çdo moment që ta zbehin rolin e shtetësisë së Kosovës.
Sipas tij, pala serbe nuk ka gatishmëri për ta përmbyllur procesin e dialogut.
“Pra që të gjithë pa përjashtim janë kundër njohjes së shtetit të Kosovës dhe që të gjithë janë të angazhuar për të minuar shtetësinë e Kosovës kudo që ata munden sikurse siç ishte rasti i shumëtrumbetuar për shtetin e Togos… prandaj në këtë kuptim, dhe duke i parë deklarimet e herëpashershme dhe të shumëpërsëritura fatkeqësisht nga ana e tyre, tregohet qartë që nuk ka një gatishmëri nga ana e tyre për të përmbyllur një proces tashmë të tejzgjatur dhe të shumë mundimshëm që na ka përcjell tash e një dekadë”, shtoi ai. /Teve1.info/
