Të premtën është hedhur edhe shorti për ndeshjet e sezonit të ri në Bundesligë, teksa është bërë i ditur tashmë edhe kalendari për sezonin 2022/2023.
Kampionati gjerman në këtë mënyrë do të startojë më 5 gusht dhe sfida hapëse do të jetë ajo mes Eintracht Frankfurt dhe Bayern Munich si kampionë në fuqi.
Ndeshje tjetër interesante zhvillohet në Signal Iduna Park, me Dortmund si nikoqir i Leverkusen.
Derbi i Berlinit po ashtu luhet në ndeshjen e parë, me Hertan si mysafir i Unionit.
Koln e pret në shtëpi skuadrën e Schalkes, ndërsa Hoffenheim në udhëtim ka punë me Monchengladbach.
Wolfsburg kërkon pikët e para si vendës ndaj Werderit, kurse Mainz synon të fillojë mbarë tek skuadra e Bochum.
Augsburg e nis sezonin në shtëpi kundër Freiburg, teksa Leipzig udhëton në Stuttgard.
Në fundjavë të shtunën në 6 gusht dhe të dielën në 7 do të zhvillohen ndeshjet e tjera të javës së parë të kampionatit