Përzgjedhësi i grupmoshës U21 të Kosovës, Afrim Tovërlani, ka ftuar 23 futbollistë për duelin kualifikues të “Euro 2027” ndaj San Marinos.
Ky ballafaqim luhet më 14 tetor në stadiumin “Fadil Vokrri” në Prishtinë.
Kosova është në Grupin A, ndërsa ka marrë një pikë nga dy ndeshjet e para.
Barazoi në udhëtim te Rumania pa gola, ndërsa u mposht në shtëpi nga Spanja 3:1.
Grupit ku është Kosova i prijnë Finlanda dhe Spanja me nga gjashtë pikë në dy ndeshje. Rumania është e dyta me katër pikë.
Qipro dhe San Marino janë në vendin e pestë dhe të gjashtë, përkatësisht të fundit, pa pikë.
Në muajin nëntor, Kosova do t’i ketë edhe dy ndeshje tjera kualifikuese.
Të dyja i luan në udhëtim, te Qipro dhe Finlanda.
