Tri vajza të mitura janë vetëlënduar në Gjakovë, duke u ndikuar nga fenomeni i vet-lëndimit në rrjetet sociale. Rasti nga Prokuroria Themelore cilësohet si shtytje në vetëvrasje.
Dyshimet ekzistonin që nga fundi i vitit shkollor.
E me nisjen e vitit të ri, për drejtorinë e arsimit në Gjakovë fenomeni i vetëlëndimit të nxënësve doli në pah.
Kjo pas informatës që kishin pranuar nga një prind, si shqetësim për vajzën e cila ishte nxënëse në njërën nga shkollat në këtë qytet.
Kështu, menjëherë u morën masa.
Prandaj të hënën filluan kontrollën nëpër çdo institucion shkollor – fillor.
E si rezultat u zbuluan tri raste të nxënësve që e kishin lënduar veten.
Tri viktimat, femra kosovare të mitura u dërguan në trajtim mjekësor.
E kjo dukuri është shqetësuese për Kumnova-Baçin.
Ndërsa nga Prokuroria Themelore në Gjakovë bëjnë të ditur se rasti është cilësuar si shtytje në vetëvrasje.
“Prokurori i Shtetit së bashku me Policinë e Kosovës, janë duke i ndërmarr të gjitha veprimet e duhura hetimore, ashtu që veprimet hetimore për këtë rast janë duke vazhduar në bashkëpunim me policinë. Për shkak të ndjeshmërisë së rasti nuk mundë të japim më shumë informata lidhur me këtë rast”, thuhet nga Prokuroria Themelore në Gjakovë.
Megjithatë hetimet po vazhdojnë edhe në shkolla të tjera.
Fëmijët po ndikohen nga një lojë e rrezikshme në rrjetin social TikTok, ku pjesë e kësaj loje është gërvishtja e trupit me mjete të ndryshme.
