Të flesh me flokët e lagur mund të të kursejë kohë, por a mund të shkaktojë dëme në terme afatgjate?
Sipas dermatologes së Klinikës Cleveland, Dr. Shilpi Khetarpal, po – sidomos nëse bëhet një zakon i përhershëm.
“Flokët mund të bëhen më të brishtë kur janë të lagura, që do të thotë se ka më shumë gjasa të këputen, apo të dëmtohen”, shpjegon Khetarpal.
Pikërisht për shkak të kësaj brishtësie, fërkimi i flokëve me jastëkun gjatë gjumit mund të shkaktojë dëmtime.
Përdorimi i një jastëku mëndafshi apo sateni në vend të pambukut mund të ndihmojë, por më e mira është që t’i thani flokët para se të shkoni në shtrat.
Nëse ju duhet patjetër t’i thani më shpejt, përdorni tharëse flokësh në temperaturë të ulët ose me ajër të ftohtë.
