Autore: Jona Kelmendi
Me të shënuar ora 19:00, të dielën nisën të publikohen rezultatet e para nga exit- pollet.
Disa prej tyre parashikuan fituesit nëpër komuna, por jo të gjitha dolën të jenë të sakta.
Pasi kur dolën rezultatet zyrtare nga Komisioni Qendror i Zgjedhjeve, u pa një mospërputhje me sondazhe.
Profesori i gazetarisë, Alban Zenelaj, thotë se saktësia e exit- polleve varet nga mënyra si përzgjidhet mostra dhe sinqeriteti i të anketuarve.
“Saktësia e sondazheve varet nga një numër faktorësh që është i rëndësishëm, më i rëndësishmi në këtë është mostra hulumtuese në kuptimin sa njerëz janë përgjigjur dhe a është ai numër i njerëzve reprezentues dhe i shpërndarë në mënyrë të duhur dhe demografikisht te votuesit në këtë rast nese po flasim për exit pollet pastaj një njesi tjetër që e mat marshin e gabimit është besueshmërin që kanë vetë personat që e bëjnë anketimin sa janë të sinqertë pra dhe e dyta objektiviteti i pyetjes krejt kto janë faktorë që e nxjerrin marshin e gabimit pastaj që mund të jetë 2.5 në minimum e në maximum nganjëherë mund të shkoj edhe 10 nga kjo pikëpamje une mendoj që profesionalisht në rastin e Mitrovicës kemi një dështim të parashikimit nga ana e exit polleve”, thotë Zeneli.
Ndërsa sociologu Fadil Maloku thotë se publikimi i exit polleve para mbylljes së votimit mund të ndikojë në sjelljen e votuesve dhe të ulë besimin në institucione.
“Dëmet që mundet me i sjell këto matje janë se ato mund të ndikojnë në procesin zgjedhor para kohe sidomos në komunat që kanë shku në balotazh nese publikohen para se me u mbyll qendrat e votimit ato mund të ndikojnë sjelljen e votuesve që ende nuk kanë votu e pastaj mund të keqëperdoren partit politike për të perceptuar një mendim të rremë mbi fituesit e gjithashtu exit pollet munden me ulë besueshmërin e institucioneve”, ka thënë ai.
Ajo që ra në sy ishte rezultati në Mitrovicën e Jugut, ku exit -pollet fillimisht e nxorën në epërsi të madhe Arian Tahirin e PDK-së krahas kandidatit të Vetëvendosjes, Faton Pecit.
Megjithatë, rezultatet e KQZ-së shpalosen një rezultat të përafërt mes Tahirit dhe Pecit.
E për krejt rezultatet në Mitrovicë të Jugut, kërkoi hetim të hënën kryeministri në detyrë, Albin Kurti.
Asociacioni i Gazetarëve të Kosovës (AGK) ka reaguar ndaj deklaratës së kryeministrit në detyrë, Albin Kurti, duke theksuar se mediat në Kosovë kanë respektuar Ligjin për Zgjedhjet dhe rregulloren e KPM-së, duke mos publikuar asnjë Exit Poll para orës 19:00, kur u mbyllën qendrat e votimit.
E lidhur kërkesën e Kuritit, televizioni ka dërguar pyetje në Prokurorinë Themelore në Prishtinë për të parë nëse është dërguar si ankesë por të njëjtit thanë për Tëvë1 që një ankesë e tillë nuk është paraqitur aty.
