Familja Spahiu njofton se sot nga ora 12:00, në Sheshin “Skënderbeu” në Prishtinë, do të organizohet një protestë paqësore në mbështetje të ish-policit Arbnor Spahiu, i cili po mbahet padrejtësisht në paraburgim në Serbi.
Në njoftimin e familjes thuhet se protesta ka për qëllim t’i bëjë thirrje institucioneve që ta ngrisin zërin kundër padrejtësisë që po i bëhen Spahiut.
“Kjo protestë ka për qëllim t’u bëjë thirrje institucioneve vendore dhe atyre ndërkombëtare që të ngrisin zërin kundër padrejtësisë me të cilën Arbnori dhe familja e tij po përballen tash e katër muaj”, thuhet në njoftimin e familjes Spahiu.
