Serbët lokal assesi nuk po pajtohen që komunat veriore të udhëhiqen nga shqiptarët.
Ata po vazhdojnë të protestojnë afër objekteve komunale, duke u pamundësuar punën kryetarëve të rinj.
Por edhe kryetari i ri i Leposaviqit, Lulzim Hetemi, duket se nuk e ka ndërmend ta lëshoj zyrën.
Ai ka 20 ditë që është dukë qëndruar i mbyllur brenda komunës.
Edhe në komunën e Zveçanit me dhjetëra serb po protestojnë në mënyrë paqësore, megjithatë ata po vëzhgohen me kujdes të shtuar nga ushtarët e KFOR-it polak.
Ndërkohë, profesori Nexhmedin Spahiu, thotë se Kryeministri Albin Kurti duhet t’i rezistoj presionit ndërkombëtar dhe ti luftoj grupet kriminale në pjesën veriore të vendit, deri sa të krijohen kushtet për zgjedhje te reja.
E qëndrimin e Lulzim Hetemit brenda komunës së Leposaviqit, Spahiu e sheh si një lloj sakrifice për ta ruajtur flamurin e Kosovës që të mos përdhoset.
Në anën tjetër nga blloku evropian po kërkojnë që sa më shpejtë të krijohen kushtet për zgjedhje të reja në katër komunat veriore si dhe serbët të kthehen në institucione.
Kryeministri Kurti ka ofruar një plan 5 pikësh për zbutjen e tensioneve në pjesën veriore të vendit, por sipas shefit të diplomacisë evropiane, Josep Borell, ky plan është i pamjaftueshëm.
