Kryetari i OVL-UÇK-së, Hysni Gucati ka treguar për protestën e së dielës e cila do të mbahet para Këshillit të Evropës më 16 nëntor, të dielën në Strasburg.
Gucati ka thënë se në këtë protestë do t’i bashkohen rreth 6000 mërgimtarë nga viset e ndryshme shqiptare.
E veçanta e kësaj proteste sipas kryetarit është që OVL-UÇK do t’i dërgon letër 280 deputetëve të Parlamentit të Evropës, për t’u treguar deputetëve të tyre për votimin e Rezolutës që e kanë bërë ndaj UÇK-së dhe qytetarëve të Kosovës.
“Kjo është protesta e katërt që ne do ta mbajmë, i kemi bërë të gjitha përgatitjet, jam në Francë për momentin të dielën më 16 nëntor, në ora 13:00 do të fillon protesta para Këshillit të Evropës në Strasburg, shpresoj shumë dhe besoj që me njerëzit që kemi kontaktuar dhe kemi biseduar me Këshillin Organizativ me shtetet e ndryshme në Gjermani, Francë, Zvicër, Suedi dhe Itali në të gjitha vendet, presim një numër të konsiderueshëm diku 6000 vetë që të na bashkëngjiten në protestën e dielës, janë mërgimtarë nga të gjitha viset shqiptare. E veçanta e kësaj proteste është që ne do t’i dërgojmë letër 280 deputetëve të Parlamentit të Evropës që do t’iu tregojmë atyre që kolegët e tyre të mëhershëm kanë gabuar që e kanë bërë një Rezolutë ndaj UÇK-së dhe qytetarëve të Kosovës”, ka deklaruar Gucati në emisionin “Ditari” në tëvë1./teve1.info/
