Ministrja e Ekonomisë, Artane Rizvanolli është intervistuar sot në Prokurorinë Speciale.
Në një përgjigje për teve1.info, udhëheqësja e Zyrës për Komunikim Publik në Prokurorinë Speciale, Liridona Kozmaqi, ka bërë të ditur se Rizvanolli u intervistua me ftesë të kësaj Prokurorie.
Kozmaqi ka njoftuar se Rizvanolli është intervistuar në cilësinë e dëshmitares për një çështje penale, të cilën kjo prokurori e ka në hetim.
“Ju informoj se sot, ministrja Artane Rizvanolli, është paraqitur në Prokurorinë Speciale me ftesë të kësaj prokurorie. E njëjta është duke u intervistuar në cilësinë e dëshmitares për një çështje penale, të cilën kjo prokurori e ka në hetim”, tha ajo./teve1.info/
Ministrja Rizvanolli po intervistohet në Prokurorinë Speciale
