Prokuroria Speciale e Kosovës ka thënë se është duke e hetuar kontratën 12 milonëshe për Shërbime të Arkitektit në Komunën e Prishtinës.
Në një përgjigje për Tëvë1 nga Prokuroria kanë thënë se në këtë fazë nuk mund të japin detaje shtesë, për shkak siç është thënë ndjeshmërisë së rastit
“Lidhur me rastin për të cilin keni pyetur Ju informoj se gjendet në trajtim në Prokurorinë Speciale. Për shkak të ndjeshmërisë së rastit, në këtë fazë nuk mund të japim informacione tjera”, thuhet në përgjigje.
Ekipi menaxhues i Shërbimit të Arkitektit të Kryeqytetit javë më parë hoqën dorë nga pozitat e tyre për menaxhimin e kontratës 12 milionë euroshe.
Siç ka raportuar Tëvë 1, opozita në kryeqytet dyshon se deri të largimi i ekipit ka ardhur për shkak të keqpërdorimeve.
Mirëpo nga Komuna e Prishtinës theksojnë se zyrtarët janë larguar për shkak të mbingarkesës në punë.
