Prokuroria Themelore në Pejë ka kërkuar caktimin e paraburgimit ndaj të dyshuarit për vrasjen e dy personave mbrëmë në Klinë.
“Ekzistojnë rrethana të posaçme të cilat tregojnë se me gjetjen e mundshme të të pandehurit në liri, i njëjti do të pengojë rrjedhën normale të procedurës penale duke ndikuar tek dëshmitarët… Konsideroj se për këtë fazë të hetimeve është e domosdoshme të caktohet masa e paraburgimit”, tha prokurorja Valbona Haxhosaj.
Këtë propozim nuk e ka kundërshtuar as avokati i të dyshuarit Jeton Maqedonci, raporton Tëvë1.
“Për caktimin e paraburgimit pas konsultimit të mjaftueshëm……, duke u bazuar në rrethanat në të cilat gjendemi tani, të njëjtën kërkesë nuk e kundërshtojmë”, ka thënë avokati.
Jon Hoti dyshohet se ka vrarë dy persona mbrëmë në një lokal në rrugën “Mujë Krasniqi” në Klinë.
Njëri nga personat ka mbetur i vdekur në vendin e ngjarjes kurse tjetri ka ndërruar jetë në Spitalin e Pejës.
Dy të vrarët janë Rexhep dhe Albison Shlivova nga fshati Jashanicë i Klinës.
Fillon seanca fillestare ndaj të dyshuarit për vrasjen e dyfishtë në Klinë
