48 orë paraburgim i është caktuar kryetarit të PSD-së, Dardan Molliqaj, i arrestuar sot në protestën që kjo parti ka organizuar në Prishtinë, kundër vizitës së Kryetares së Dhomave të Specializuara, Ekaterina Trendafilova.
Masë e njëjtë e paraburgimit u është caktuar edhe anëtarëve tjerë të kësaj partie, Zgjim Hysenit, Nol Nushit, Agron Kabashit, Korab Korçes, Gent Brahimit.
Lajmin e ka bërë të ditur anëtarja e kësaj partie, Natyra Kuçi përmes një postimi në Facebook.
Ajo ka thënë se ky është vendim politik.
“PSD izolohet që Trendafilovës t’i bëhet vizita sa më normale. Por lufta e saj për imazh është e humbur. Prokuroria ka vendosur që kryetarit të PSD-së, Dardan Molliqaj, Zgjim Hysenit, Nol Nushit, Agron Kabashit, Korab Korçes, Gent Brahimit t’iu jepet masa e paraburgimit për 48 orë. Për ne ky vendim është politik dhe i padrejtë. Kështu po provohet ta ndalin zërin opozitar, ta relativizojnë padrejtësinë e Gjykatës Speciale”, ka shkruar ajo.
Eskalon protesta e PSD-së, hidhet gazlotsjellës – Policia arreston disa protestues
