Komisioni për Administratë Publike, Pushtet Lokal, Media dhe Zhvillim Rajonal ka mbajtur mbledhjen e radhës me ç’rast ka shqyrtuar raportet e komisioneve të përhershme lidhur me Projektligjin për ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive Ekzekutive.
Pas një diskutimi mes palëve, anëtarët e komisionit votuan pro këtyre raporteve, me ç’rast projektligji i lartpërmendur u procedua për shqyrtim të mëtutjeshëm në Kuvend.
Ky projektligj pritet të hidhet në votim në mbledhjet e radhës, ka njoftuar Kuvendi i Kosovës.
