Kujdesi ndaj të mbjellave po vazhdon, ani pse Vushtrria ka shumë vite që ka problem me furnizimin me ujë të bollshëm.
Për këtë, në dijeni është edhe komuna.
“U dashtë me ndalë ujin pak në këtë pjesë…”, thotë drejtori i Bujqësisë në Komunën e Vushtrrisë, Ergin Sungur.
Krahas kësaj, komuna iu ka bërë një premtim bujqve.
“Për ujitje si komunë këtë vit kemi me i subvencionu me 50% të gjithë bujqit e Vushtrrisë…”, shtoi ai.
E një vendim i tillë u mirëprit nga bujqit.
Ndërkaq sa i përket subvencioneve, Ministria e Bujqësisë në një përgjigje për tëvë1 tha se për vitin 2022 ende ka procedura që duhet të kryhen.
“Lidhur me implementimin e Programit të Pagesave Direkte/Subvencioneve për vitin 2022, ju njoftojmë se procedurat janë duke vazhduar sipas Udhëzimit Administrativ Nr. 02/2022 për Pagesa Direkte, duke filluar nga kontrolla/vlerësimi administrativ i aplikacioneve dhe kontrollat në terren të aplikuesve në kuadër të këtij programi. Pas përfundimit të këtyre hapave, bëhet procedimi për ekzekutimin e pagesave për të gjithë aplikuesit, që i plotësojnë kriteret dhe dokumentacionin e përcaktuar konform Programit dhe Udhëzimit Administrativ”, thonë nga Ministria e Bujqësisë.
Zyrtarët e kësaj ministrie bëjnë të ditur gjithashtu se lidhur me investimet në sistemin e ujitjes është planifikuar investim kapital përmes projektit ‘’Ndërtimi dhe rehabilitimi i sistemeve të ujitjes në Kosovë” në vlerë prej 2.42 milionë euro.
Në të përfshihen 8 projekte për 8 komuna të përzgjedhura për financim, duke synuar zgjerimin e sipërfaqeve bujqësore në ujitje.
Kronika e realizuar nga gazetarja Albiona Hajdari.