Delegacioni i skuadrës së Ballkanit së bashku me ekipin Sivasspor dhe zyrtarët e Ambasadës së Kosovës në Ankara, e vizituan shtatorën e Komandantit legjendar, Adem Jasharit, që gjindet në kampusin e Universitetit të Sivasit.
Këtë e ka bërë të ditur vetë skuadra nga Suhareka, teksa gjithashtu ata nderuan edhe shtatorët e Kemajl Ataturk dhe poetit Asim Veysel.
Tutje, delegacioni suharekas u prit nga sekretari i përgjithshëm i Universitetit të Sivasit, profesor Kadir Ozkösr, i cili i shprehu mirëseardhje ekipit “portokallezi”, duke e theksuar se përtej futbollit, kjo është vizitë vëllazërore.
Ballkani e ka falënderuar për mikpritjen. Me delegacionin e Ballkanit në Turqi po qëndron edhe kryetari i Komunës së Suharekës, Bali Muharremaj.
