Mërgimtarët të cilët i kaluan pushimet verore në Kosovë tashmë kanë filluar të kthehen në shtetet ku jetojnë.
Kthimi i mërgimtarëve nga Kosova në vendet evropiane ka bërë që në disa pika kufitare të krijohen kolona të gjata të veturave.
Sipas Qendrës Kombëtare për Menaxhimin Kufitar, në mbrëmje pritjet më të gjata janë në Merdarë. Në këtë pikëkalim kufitar pritjet për të dalë nga Kosovë janë deri në 4 orë, ndërsa për të hyrë në Kosovë janë 15-20 minuta.
Kolona të gjata ka edhe te Dheu i Bardhë, ku për të hyrë dhe për të dalë nga Kosova pritjet janë deri në dy orë.
Ndërkohë, në vendkalimet kufitare në Muçibabë e Jarinje, pritjet për të dalë nga Kosova janë deri në 2 orë. Ndërsa në Bërnjak një orë e në Mutivodë gjysmë ore.
Për të përcjellur gjendjen në kohë reale në pikat kufitare klikoni KËTU.
