Kolona dhe pritje janë regjistruar në disa pika kufitare të Kosovës gjatë mbrëmjes së sotme.
Sipas të dhënave të fundit nga Qendra Kombëtare për Menaxhim Kufitar, pritjet më të gjata janë në pikën kufitare Muçibabë. Në hyrje në Kosovë, qytetarët po presin deri në 1 orë e 30 minuta, ndërsa kolona e automjeteve arrin rreth 200 metra. Në dalje nga kjo pikë kufitare, kolona është rreth 1 kilometër.
Pritje janë regjistruar edhe në pikën kufitare Dheu i Bardhë, ku për hyrje në Kosovë qytetarët presin rreth 25 minuta, ndërsa kolona është rreth 200 metra.
Në pikat e tjera kufitare, pritjet janë dukshëm më të shkurtra, duke lëvizur nga 5 deri në 10 minuta, ndërsa në disa prej tyre nuk është raportuar asnjë vonesë.
