Njësia e antidrogës në Prishtinë ka arrestuar një person me inicialet R.A., pasi që i njëjti dyshohet për posedim droge.
Të njëjtit i është bërë edhe kontrollimi i banesës, ku nga Policia e Kosovës janë gjetur 5 qese me narkotik, që dyshohet se i përket llojit marihuanë me peshë 3.9 gram, dy peshore digjitale, një e qelqit metadon, një telefon, 165 euro dhe 200 lek shqiptar.
Ndërkohë, lidhur me këtë rast, me urdhër të prokurorit nga Departamenti i Krimeve të Rënda në Prishtinë, i dyshuari është dërguar në mbajtje për 48 orë.
“Gjatë angazhimeve të Policisë së Kosovës në parandalimin dhe luftimin e trafikimit me substanca narkotike, dhe mbledhjes së informatave relevante në teren me datë 18.07.2023, njësiti i antidrogës në Prishtinë përmes realizimit të një plani taktik rreth orës 12:40, në rrugën “Sadik Zeneli” është arrit që të ndalohet personi i dyshuar me iniciale (R.A.)”, thuhet në njoftimin e Policisë së Kosovës./teve1.info/
