Të tilla gjenden akoma në lagjen Ulpiana. Në fotot e bëra nga teve1.info, në disa pjesë të lagjes shihet se disa prej prishtinasve iu përmbajtën afatit tre mujor, teksa disa të tjerë kanë hezituar t’i heqin ato, pavarësisht që tashmë janë bërë 114 ditë.
Drejtoria e Inspekcionit në Komunën e Prishtinës kishte marrë vendim që të hiqen këto antena, në të kundërtën do të intervenojë vetë për t’i larguar ato.
Teve1.info ka dërguar pyetje në Drejtorinë e Inspekcionit se pse ende nuk janë larguar antenat satelitore, por të njëjtit nuk kanë kthyer përgjigje deri në publikimin e artikullit.
Në vendimin e marrë në fund të muajit mars, thuhej se antenat satelitore të trashëguara nga sistemet e vjetra të transmetimit, përveç se po e rrezikojnë sigurinë e qytetarëve, në të njëjtën kohë po ndikojnë edhe në estetikën e qytetit.
Antenat satelitore në ndërtesat në Prishtinë, por edhe në qytete të tjera të Kosovës janë vendosur që nga vitet e 90-ta.
Këto antena mund edhe të shiten te kompanitë në kryeqytet, e të cilat pastaj i dërgojnë jashtë vendit për shkrirje. /Teve1.info/
