Kanë përfunduar pjesët e para të katër ndeshjeve të xhiros së parë të Superligës së Kosovës në futboll.
Sot, edhe zyrtarisht ka nisur sezoni i ri në elitën e futbollit kosovar, ku po zhvillohen katër ndeshje kurse dueli i pestë do të luhet të hënën.
Pas 45 minutave të para, nuk ka gola në ndeshjen Drenica – Llapi që po luhet në Skënderaj, ndërsa rezultatet janë zhbllokuar në Klinë, Ferizaj e Malishevë.
Prishtina po avancon 2:0 në udhëtim te Dukagjini, me golat e Mario Ilievskit (12’) dhe Blendi Baftiut (28’).
Ndërkohë, Ferizaj po fiton 1:0 ndaj Dritës, ekip që në minutën e 39-të ka mbetur me një lojtar më pak në fushë për shkak të përjashtimit të Raddy Ovouka pas dy kartonëve të verdhë.
Golin për skuadrën e Ferizajt e ka shënuar Jakup Berisha (12’).
1:0 po avancon edhe Prishtina e Re në udhëtim ndaj Malishevës, me golin e realizuar nga Toni Gomez në minutën e dytë të kohës shtesë.
