Gledi Mici është një nga prioritetet e Partizanit për këtë merkato. “Të kuqtë” e kryeqytetit prej javësh kanë nisur bisedimet me mbrojtësin, por Prishtina i ka prishur shumë punë.
Klubi i kryeqytetit të Kosovës, që ishte pikërisht klubi me të cilin 31-vjeçari luajti sezonin e fundit i ka shlyer borxhin Micit, në mënyrë që ta mbajë edhe një sezon tjetër.
Mici luan rol të rëndësishëm te Prishtina dhe sezonin që u mbyll ai numëron 28 paraqitje në BKT Superliga, ndaj dhe klubi i Kosovës ka zgjidhur problemin për ta mbajtur lojtarin.
Në një situatë të tillë, tashmë Partizanit i duhet të kthejë sytë diku tjetër për të gjetur një tjetër mbrojtës të këtij kalibri.
