Sigal Prishtina ka regjistruar humbjen e dytë rresht në kuadër të Ligës ENBL pasi në duelin e xhiros së pestë pësoi në udhëtim nga Manchester Basketball.
Ekipi anglez fitoi ndeshjen me shifrat 99:74, e cila u zhvillua të mërkurën mbrëma në Manchester.
Për Manchesterin, kjo është fitorja e tretë karshi dy humbjeve kurse ndaj Prishtinës pati një paraqitje tejet të mirë.
Sigal Prishtina e fitoi vetëm çerekun e dytë (19:16) kurse të tjerët i takuan Manchesterit – 25:18, 29:20 dhe 29:15.
Max Jones me 31 pikë udhëhoqi Manchesterin drejt triumfin, ndërsa me lojë të mirë u veçuan edhe Kaiyem Cleary me 13 dhe tim Adetukasi me 11 pikë të realizuara.
Prishtinë për këtë ndeshje kishte udhëtuar me vetëm tetë lojtarë, ku më efikasi ishte Deondre Burns me 23 pikë, 3 kërcime e po aq asistime.
