Prishtina përmes një njoftimi në rrjetet sociale ka bërë me dije për largimin e futbollistit Albin Krasniqi.
Krasniqi ishte pjesë e kryeqytetasve për dy vite, pasi iu bashkua atyre së bashku me Drilon Islamin nga Ferizaj.
Paraqitjet e tij të mira për bardhëekaltërit kanë bërë që ofertat për të nga jashtë vendit të mos mungojnë.
Sipas raportimeve të fundit, Krasniqi pritet që të transferohet në Ukrainë tek Kolos Kovalivka, aty ku luan edhe Ilir Krasniqi.
Njoftimi i plotë i Prishtinës:
“Pas dy viteve të mbushura me përkushtim, pasion dhe lojëra të paharrueshme, Albin Krasniqi mbyll kapitullin e tij me FC Prishtinën”.
“Me 60 paraqitje në fanellën bardhekaltër, Albin kontribuoi fuqishëm në sukseset e klubit, duke ndihmuar në fitimin e Kupës së Kosovës dhe Superkupës së Kosovës”.
“Klubi dhe tifozët do të jenë gjithmonë mirënjohës për kontributin tënd. Suksese në kapitullin e radhës Albin”, thuhej në njoftimin e Prishtinës.
