Sigal Prishtina është kthyer te fitorja në Superligën e Kosovës në basketboll.
Pas humbjeve nga Bashkimi e Peja, skuadra e Sigal Prishtiës ka mposhtur skuadrën e Vëllaznimit në kuadër të xhiros së gjashtë.
Ndeshja e luajtur të dielën mbrëma në palestrën “Shani Nushi” në Gjakovë, përfundoi me shifrat 91:86 në të mirë të ekipit mysafir.
Vëllaznimi e fitoi çerekun e parë (21:17) dhe të fundit (26:22), por Prishtina dallimin e bëri në periudhën e dytë (27:16) kurse të tretën e fitoi me rezultat 25:23.
Më efikasi te Prishtina në këtë përballje ishte Adrio Bailey me 25 pikë, 7 kërcime e 2 asistime, ndërsa me lojë të mirë u dalluan edhe Daniel Lekndreaj (12) e Don Polloshka (11).
Te Vëllaznimi, Marques Warrick me 24 pikë dhe Ziggu Ride me 21 pikë të shënuara ishin më të mirët por që nuk arritën ta shpëtojnë ekipin nga disfata.
Për Vëllaznimin, kjo është humbja e pestë këtë sezon karshi një fitoreje.
