Prishtina ka marr fitoren e parë në këtë kampionat, duke mposhtur Ferizajn me rezultat 3-1 si mysafir në kuadër të javës së tretë të Superligës së Kosovës.
Prishtina që kishte pushuar në javën e dytë, pasi që ndeshja ndaj Dritës nuk u zhvillua e nisi fuqishëm përballen ndaj Ferizajt.
Zhvillohej minuta e pestë, kur Dion Gallapeni asistoi te Sunday Akinbule, i cili me një gjuajtje të saktë nga jashtë zonës shënoi për 1-0.
Nuk vonoi shumë dhe Prishtina shënoi edhe golin e dytë, ku sërish Gallapeni dhe Akinbule ishin në bashkëveprim, me mbrojtësin që përfitoi duke fituar një top, duke asistuar te Akibule që shënoi për 2-0.
Me këtë rezultat u mbyll pjesa e parë, ndërsa edhe e dyta doli të jetë shumë interesante.
Në minutën e 63-të, ndeshja u hap, ku Ferizaj arriti të shënojë me anë të Planet Veselit i cili me një goditje të fortë shënoi për 2-1.
Por Prishtina nuk u dorëzua dhe me një kundërsulm të shpejtë arriti të kthejë epërsinë prej dy golash.
Akinbule asistoi te Ardian Muja, i cili kaloi fillimisht një mbrojtës dhe pastaj me një gjuajtje të fortë tundi rrjetën për 3-1.
Deri në fund nuk kishte më gola të tjerë dhe Prishtina e Ferizaj tani kanë nga 4 pikë.
