Portieri me përvojë, Florjan Smakiqi do ta vazhdojë karrierën te skuadra e re e Superligës së Kosovës në futboll, Prishtina e Re.
Prishtina e Re të mërkurën zyrtarizoi transferimin e Smakiqit që javë më parë u nda me Dritën e Gjilanit.
26-vjeçari deri më tani karrierë ka bërë te Feronikeli i Drenasit dhe te Drita e Gjilanit. Me të dy skuadrat ka fituar nga një titull. Pritet të jetë përforcim i madh i Prishtinës së Re në edicionin debutues në Superligë.
Prishtina e re të martën prezantoi mesfushorin po ashtu me përvojë, Ergyn Ahmeti, që së fundi ishte te Llapi.
Drilon Fazliu e Aron Babaj janë përforcimet tjera të Prishtinës së Re.
