Prishtina ka vazhduar ecurinë e mirë të rezultateve në Superligën e Kosovës në futboll.
Prishtina të shtunën fitoi 2:0 ndaj Dukagjinit.
Ndeshja e zhvilluar në stadiumin “Fadil Vokrri” në Prishtinë i takoi javës së dhjetë.
Prishtina të dy golat e fitores i shënoi në pjesën e parë.
Golin e parë e realizoi Hamdi Namani në minutën e 32-të.
Mario Ilievski e realizoi golin e dytë shtatë minuta më pas. Ai u asistua nga Valmir Veliu.
Për Prishtinën është fitorja e gjashtë radhazi. Është lidere me 25 pikë. Ka gjashtë pikë më shumë se vendi i dytë që e zë Ballkani.
Për skuadrën nga Klina, Dukagjini, ishte disfata e dytë radhazi. Bie në pozitën e katërt me 14 pikë.
