FC Prishtina nuk do të luajë dy ndeshje si vendase në stadium “Fadil Vokrri”. Skuadra prishtinase do të duhet të gjejë një qytet tjetër për t’i zhvilluar ndeshjet si vendas shkak dënimit që mori nga Komisioni Disiplinor lidhur me incidentin në sfidën me Ballkanin në xhiron e pestë.
“FC “Prishtina”, dënohet me dy ndeshje zyrtare të radhës jashtë fushës së vetë. (Jashtë qytetit të Prishtinës)”.
Ekipi bardhekaltër ka pasur organizim të dobët në takimin me portokallinjët. Tifozët vendas sulmuan tifozët mysafir, ku me sipasojë mbetën tre të lënduar dhe një i therur nga ana e mysafirëve.
‘Lëshim në organizimin e ndeshjes. 15 minuta para fillimit të ndeshjes tifozët vendas ”Plisat”, kalojnë rrethojat e tribunës jugore dhe përmes shtegut të atletikës, pa i penguar askush, vërsulen në anën veriore, në tribuna ku ishin tifozët mysafirë ”Xhebrailat”, i sulmojnë fizikisht dhe si rezultat i kësaj përleshje tre (3) simpatizues të ekipit mysafir marrin lëndime trupore, njeri nga të cilët dyshohet të jetë lënduar nga mjeti i mprehtë (thikë)”, thuhet në raportin e Disiplinorit.
Ndërsa edhe Ballkanin është gjobitur 1000 euro nga nga kjo sfidë, për dëmet që kanë shkaktuar tifozët nga Suahreka. Edhe Prishtina njëashtu do të duhet të pagujë 1200 euro për dëmet e shkaktuar nga tifozët vendas.
Ndërkohë Vushtrria e Ligës së Parë tri ndeshjet e ardhshme si vendas do t’i luajë pa shikues në stadium. Tifozët vushtrrias kanë hedhur shishe dhe kënaçe në drejtim të lojtarit të ekipit mysafir, në kohën kur atij po i jepej ndihma mjekësore. /Tëvë1/
