Dy persona janë arrestuar dhe dërguar në mbajtje pasi të njëjtit janë kapur duke prerë pisha në Podujevë, raporton teve1.info
Sipas Policisë së Kosovës, në vendin e ngjarjes janë sekuestruar dy traktorë me rimorkio dhe dy motosharra.
Ndërsa, rasti është cilësuar si shkretim i pyjeve.
“Podujevë / 04.01.2024 – 01:35. Janë arrestuar dy të dyshuar kosovar për shkak se të njëjtit janë vërejtur duke prerë pisha. Njësitet policore në vendin e ngjarjes kanë sekuestruar dy traktorë me rimorkio dhe dy motosharra. Lidhur me rastin janë njoftuar edhe zyrtarët e ekonomisë së pyjeve, ndërsa me vendim të prokurorit, të dyshuarit pas intervistimit janë dërguar në mbajtje”, thuhet në njoftimin policor.
