Sipas njoftimeve për medie, gjatë ditës së dytë të vizitës së tij në Kosovë, Begaj pritet të takohet edhe me Komandantin e KFOR-it në Kosovë dhe trupat e Armatosura Shqiptare që shërbejnë në KFOR.
Begaj pritet të nisë takimin me kryetarin e PDK-së, Memli Krasniqi, pastaj pritet të takohet me kryetarin e LDK-së, Lumir Abdixhiku, atë të AAK-së, Ramush Haradinaj, partitë minoritare e disa takime tjera.
Presidenti Begaj i cili e nisi vizitën e tij të parë në Kosovë si president i Shqipërisë, të hënën u prit nga presidentja e Kosovës, Vjosa Osmani, kryeparlamentari Glauk Konjufca dhe kryeministri Albin Kurti.
