Kryeministri Albin Kurti gjatë fushatës, kishte premtuar banim të përballueshëm për 4 mijë familje gjatë mandatit të tij. Por një premtim i tillë nuk ka nisur ende së zbatuari.
Nga Zyra e Kryeministrit në një përgjigje me shkrim shprehen se zbatimi i këtij projekti do të bëhet në vitin 2023.
“Pas përfundimit të studimit të fizibilitetit i cili pritet të përfundoi deri në fund të këtij viti, implementimi pritet të fillon gjatë vitit 2023. Ky studim është duke bërë analizën e tregut të banimit në Kosovë dhe analizën teknike, marrë parasysh tokën publike në dispozicion si dhe analizën e legjislaturës që lidhet me banim. Në bazë të këtyre të gjeturave, do të propozohen skenaret më të mira për zbatimin e këtij projekti madhor. Po ashtu, parashihet përfshirja e sektorit privat në këtë projekt prandaj thelbi i projektit do të jetë Partneriteti Publiko-Privat”, thuhet në përgjigjen e Qeverisë.
Pas luftës në Ukrainë, sikur në shumë sektor edhe në atë të ndërtimtarisë janë rritur çmimet.
Mirëpo ekonomisti Mustafë Kadrijaj shtyrjen e këtij procesi deri në vitin e ardhshëm nuk e sheh si veprim të duhur.
“Nëse kryeministri mendon që në vitin e fundit ta bëjë atë investim, vlerësoj se nuk do t’i shpaguhet tek vota…’’
Projekti do të realizohet në 5 komuna të Kosovës: Prishtinë, Prizren, Pejë, Mitrovicë dhe Gjilan.
Kronika e realizuar nga Albiona Hajdari