Pushtetin e opozitën po i bashkon një gjë, zgjedhjet e parakohshme të vendit. Të gjithë thonë se duhet zgjedhje të reja dhe të parakohshme mirëpo dallojnë mënyrat që i propozojnë. Partia Demokratike pas takimit me të parin e ekzekutivit, Albin Kurti kanë propozuar mocionin e shpërberjes së Kuvendit. Mirëpo, me të nuk po pajtohen dy partitë tjera opozitare, LDK dhe AAK-ja.
Pas takimit mbi dy orë mes kreut të ekzekutivit, Albin Kurtit dhe kreut të Partia Demokratike të Kosovës, Mmeli Krasniqit u bë një gjë e qartë, që të dy taborët duan zgjedhje.
Kryeministri haptazi tha që është i interesuar të diskutoj me subjektet politike për datën më të përshtatshme.
Por një gjë që aktualisht nuk është e qartë është mënyra se si vendi do shkojë në zgjedhje parlamentare.
Pasi kësaj here, opozita kosovare është e ndarë për mënyrën se si do të arrihet deri tek ky proces zgjedhor.
Në PDK kanë vullnet që të iniciojnë një mocion mosbesimi i cili do i jepte fund qeverisë Kurti.
E nga Lidhja Demokratike e Kosovës thonë se Kurti ka zgjedhur instrumentalizimin e opozitës si shpëtim individual nga dështimi i madh.
Madje deputetja e këtij subjekti politik, Valentina Bunjaku Rexhepi nuk e përjashton mundësinë për një koalicion PDK-VV.
Qëndrim të njëjtë me LDK-në kanë edhe Aleanca për Ardhmërinë e Kosovës.
Shefi i grupit parlamentar të AAK-së, Besnik Tahiti thotë se duhet dorëheqje e Kurtit e pastaj shpërbërje e Kuvendit.
Ndërkohë, në takimin që pati Kurti e kreun e PDK-së u pa një disponmim të mirë.
Kjo disi u dëshmua edhe përmes një deklarate nga vet kryeministri.
