Konsulenti politik, Xhevdet Pozhari, ka thënë se veprimi i Lidhjes Demokratike të Kosovës për mos tu bërë pjesë e bashkëqeverisjes me Lëvizjen Vetëvendosje është më racionali i mundshëm.
Ai ka thënë se LDK me këtë veprim është distancuar nga pjesa tjetër e opozitës, PDK e Aleanca si dhe nga pushteti aktual.
Sipas Pozharit, LDK po thekson identitetin e saj.
“LDK po e distancon veten nga kjo opozitë dhe ky pushtet po e thekson identitetin e saj, këta thirren në pragmatizëm, institucional. Duke parë që zgjedhjet janë të pashmangshme nuk duna ta bartin që pa të drejtë po ja vendosin të tjerët. E ka bërë lëvizjen taktike më të zgjuar, që edhe nëse nuk zgjidhet presidenti nuk do të jetë krejt pesha mbi të”, ka thënë Pozhari në emisionin “Këndi i Debatit” në Tëvë1.
Kryetari i Lidhjes Demokratike të Kosovës, Lumir Abdixhiku të enjten njoftoi se kjo parti heqë dorë nga çdo kërkesë në institucione.
