Kryetari i Lidhjes Demokratike të Kosovës, Lumir Abdixhiku ka thënë se kjo parti heqë dorë nga çdo kërkesë në institucione.
“LDK tërhiqet nga çdo kërkesë për pozita,heqim dorë nga pjesëmarrja në qeveri dhe me e rëndësishmja nga postimi i presidentit”, tha ai në konferncë për media pas mbledhjes së grupit parlamnetar të partisë.
Abdixhiku tha se këtë veprim e kanë marrë pasi sipas tij, LVV nuk po e dëshiron si partnere.
Por, ai ka thënë se nuk do të qëndrojnë as si dekor.
“Meqë LVV-ja po vlerëson se s’ka nevojë për partnere s’do ta ketë as s’i dekor. Do të qëndrojmë në opozitë dhe do të ushtrojmë këtë përgjegjësi me dinjitet. Pavarësisht këtij qëndrimi, s’do ta shndërrojmë zhgënjimin politik në bllokadë, u shpreh kryetari i LDK-së.
Abdixhiku ka thënë se janë të gatshëm të bisedojnë për çështjen e presidentit.
“LDK është e gatshme të bisedoj me bindje të plota për zgjedhjen e një presidenti që e mbron interesat e Republikës dhe Kushtetutën e saj, që përfaqëson unitetetin e popullit. Për këtë kontribut, LDK nuk kërkon asnjë pozitë dhe asnjë kompromis politik, por ka kritere të qarta për presidentin e ardhshëm. Stabiliteti i shtetit nuk do të më mall për shkëmbim, le ta zgjedhim të gjithë bashkë, presidentin që e mbron republikën dhe Kushtetutën”,tha ai.
Ai ka thënë se Vetëvendosjes i takon të zgjidh krizën politike dhe duhet të thërras seancën për konstituimin e Kuvendit.
