Aleksandar Arsenijeviq, kryetar i Iniciativës Qytetare “Mbijetesa e serbëve” sot, është paraqitur në afërsi të objektit të Komunës së Zveçanit.
Arsenijeviq, përmes lidhjes live në Facebook shihet me flamurin serb në dorë dhe me disa dokumente e artikuj të publikuar në media, ku edhe bisedon me disa pjesëtarë të Njësisë Speciale që janë duke qëndruar në hyrje të objektit të komunës.
Megjithatë, policët i kanë kërkuar mirëkuptim derisa i thonë që të largohet dhe të mos qëndrojë afër komunës.
Siç shihet në video, njëri nga pjesëtarët e Njësisë Speciale, bisedon me komandantin, ku ky i fundit thotë që do të vijë në objektin e komunës dhe të bisedojë me politikanin serb. /teve1.info/
