Policia e Kosovës ka dhënë detaje të reja lidhur me arrestimin e më pas lirimin e personit të gabuar për rastin e therjes me thikë të katër personave, që ka ndodhur dje në Ferizaj.
Policia thotë se personi që është arrestuar fillimisht është dukur sikurse personi që dyshohet se e ka kryer veprën penale.
“Nga terreni janë siguruar videoincizimet nga kamerat e sigurisë dhe fillimisht është dyshuar se ky ishte i dyshuari i kësaj ngjarje, sepse veshja, mbathja, flokët dhe mjekra përputheshin dhe me vendim të prokurorit të shtetit është ndaluar në mbajtje për 48 orë, deri në sqarimin e plotë të rastit dhe hetimeve të mëtejme”, thuhet në komunikatë.
Tutje bëhet e ditur se pas lajmërimit në polici nga i dyshuari për kryerjen e veprës penale, i arrestuari i parë është liruar.
“Hetuesit rajonal kanë vazhduar punën e tyre në identifikimin edhe të personave tjerë të mundshëm, të përfshirë në këtë rast, për derisa me datën 12.11.2024 rreth orës 03:00 të mëngjesit një person tjetër me inicialet F. I (M/K) i moshës 62 vjeçar nga Ferizaj është lajmëruar në polici, i cili është i dyshuar në rastin vrasje e mbetur në tentativë në Ferizaj. Me vendim të prokurorit të rastit i dyshuari i parë E.S është liruar, ndërsa i dyshuari me inicialet F.I është ndaluar në mbajtje për 48 orë procedura tjera hetimore”, ka bërë të ditur më tej policia.
Ndërkaq, burimet e Tëvë1 kanë bërë të ditur se F.I., dyshohet se ishte i dënuar më parë me 15 vite burgim për vrasjen e gruas së t
Ai dyshohet se u lirua nga burgu tri javë më parë, konkretisht rreth mesit të tetorit.
Zëdhënësja e Prokurorisë Themelore në Ferizaj, Vjosa Baftiu ka konfirmuar për Tëvë1 se tashmë i dyshuari kyç në lidhje me therjen e katër personave është arrestuar dhe ndaluar për 48 orë.
“Si fillim është ndaluar një person tjetër i cili u raportua në media E.S, i njëjti i është përshtatur profilit të të dyshuarit . E kanë shiku atë, i kanë sh iku kamerat, veshjen gjithçka është përshtat me të kërkuarin dhe me ngjarjen. Pra kanë qenë dyshimet e para se ai ka kryer këtë vepër penale, por më vonë është ndaluar një tjetër person që në fakt ka rezultuar që tashmë është i dyshuari kryesor në këtë rast”, deklaroi Baftiu.
Katër personat që i dyshuari i plagosi tashmë janë jashtë rrezikut për jetë.
Një 10-vjeçare ishte ajo që kishte plagë më të rënda, e cila u trajtua në QKUK.
Të plagosurit u vizituan edhe ministri i Shëndetësisë, Arben Vitia, ministri i Brendshëm Xhelal Sveçla dhe ministri i Administrimit dhe Pushtetit Lokal, Elbert Krasniqi./teve1.info/
Personi që theri katër persona në Ferizaj ishte i dënuar edhe për vrasjen e gruas
