Policia e Kosovës ka njoftuar se Molliqaj është arrestuar pasi kishte urdhër arrest për të.
“Policia e Kosovës (PK), bazuar në urdhër arrestin e lëshuar nga organet e drejtësisë, sot në orët e pasdites në rrugën ‘Agim Ramadani’në Prishtinë, ka arrestuar personin D.M, i cili ishte në kërkim”, thuhet në njoftim.
Ndërsa, anëtarët tjerë të PSD-së, Frashër Krasniqi, Zgjim Hysëni dhe Gëzon Kastrati janë arrestuar pasi e kanë tentuar ta pengojnë arrestimin e Molliqajt.
“Njësitet policore, po ashtu kanë arrestuar edhe tre persona (F.K, Z.H, G.K,) të cilët kanë penguar zyrtarët policorë gjatë kryerjes së detyrës zyrtare, të cilët kanë tentuar t’u pamundësojnë zyrtarëve policorë zbatimin e urdhër arrestit. Të gjitha veprimet e zyrtarëve policorë janë realizuar konform autorizimeve ligjore, përderisa veprimet e mëtejme do të ndërmerren në bashkëpunim dhe koordinim me organet e drejtësisë”, thuhet në njoftim. /teve1.info./
