Mesditën e sotme, Policia ka sekuestruar një armë zjarri që u përdor gjatë një ahengu familjar në Skenderaj.
Sipas njoftimit, në cilësi të dyshuarit është intervistuar 18-vjeçari K.TH., i dyshuar për përdorim të armës, përcjell teve1.info
Pas intervistimit, i njëjti është liruar në procedurë të rregullt.
“Me të pranuar informatën janë ndërmarrë veprime policore, ku pas një kohe të shkurtër njësitet policore kanë identifikuar vendin nga ku ishin dëgjuar të shtënat, me ç’ rast në vendin e ngjarjes, në një aheng familjar në cilësi të provave materiale është sekuestruar një armë e llojit Pistoletë. Në cilësi të të dyshuarit është intervistuar K.Th.,18 vjeçar, shtetas i Republikës së Kosovës, ku pas intervistimit me urdhër të prokurorit të rastit i dyshuari është liruar në procedurë të rregullt. Ndaj tij është iniciuar rast për veprën penale ‘Mbajtje ne pronësi, kontroll, posedim të pa autorizuar të armës’ dhe ‘përdorim i armës’”, bëhet e ditur në njoftim.
