Policia e Kosovës është deklaruar rreth mbarëvajtjes së protestës së organizuar nga Partia Socialdemokrate, raporton teve1.info
Sipas komunikatës së Policisë së Kosovës, protesta është zhvilluar e qetë dhe pa incidente, derisa thuhet se njësitet e Policisë janë kujdesur për mbarëvajtjen e saj.
“Policia e Kosovës me qëllim të ruajtjes së rendit dhe qetësisë publike si dhe mbarëvajtjes së protestës së sotme të mbajtur në Prishtinë, kishte bërë përgatitjet e nevojshme operacionale policore.
Policia e Kosovës me njësitet e saja ishte e angazhuar për të siguruar mbarëvajtje të protestës, në mënyrë që ajo të kalojë pa ndonjë incident, që pjesëmarrësit në protestë të shprehin qëllimin e tyre në mënyrë demokratike.
Protesta është zhvilluar e qetë dhe pa ndonjë incident, protestuesit kanë marshuar nga sheshi ‘Zahir Pajaziti’ deri te ndërtesa e qeverisë. Aty janë realizuar disa aktivitetet të protestuesve, të cilat janë realizuar pa ndonjë incident”, thuhet në komunikatën e Policisë.
