Policia e Kosovës ka nisur hetimet lidhur me vdekjen e një gruaje në Fushë-Kosovë, pasi ajo është gjetur pa shenja jete të hënën në mëngjes.
Në raportin 24-orësh të Policisë bëhet e ditur se rasti është raportuar nga një dëshmitar.
Në vendin e ngjarjes kanë dalë njësitë relevante policore, ndërsa mjeku kujdestar ka konstatuar vdekjen e viktimës.
Me urdhër të prokurorit të shtetit, trupi i pajetë është dërguar në Institutin e Mjekësisë Ligjore për obduksion.
“Nga një dëshmitar mashkull kosovar është raportuar për një viktimë femër kosovare pa shenja jete. Në vendngjarje kanë dalë njësitet relevante policore, ndërsa vdekjen e viktimës e ka konfirmuar mjeku kujdestar. Me urdhër të prokurorit trupi i pajetë është dërguar në IML për obduksion”, thuhet në raportin e Policisë së Kosovës./teve1.info/
