Një grua ka humbur jetën në fshatin Bubavec të Malishevës, ka njoftuar Policia e Kosovës.
Sipas raportit policor, viktima është dërguar pa shenja jete në Qendrën Kryesore të Mjekësisë Familjare në Malishevë, ku mjeku kujdestar ka konstatuar vdekjen e saj.
Bazuar në vlerësimin fillestar të mjekut, dyshohet se shkak i vdekjes ka qenë arresti kardiak.
Me urdhër të prokurorit, trupi i pajetë është dërguar në Institutin e Mjekësisë Ligjore për obduksion, ndërsa rasti është iniciuar si “Hetim i vdekjes”.
