Policia e Kosovës ka identifikuar dhe ndëshkuar një kundërvajtës në trafik pas pranimit të informatave dhe materialeve dëshmuese të siguruara nga qytetarët.
Sipas njoftimit, zyrtarët e Drejtorisë Rajonale në Pejë kanë ndërmarrë veprime të menjëhershme operative për trajtimin e rastit, duke arritur të identifikojnë personin e përfshirë në kundërvajtje.
Ndaj kundërvajtësit janë shqiptuar dy gjoba për shkelje të rregullave të trafikut.
Po ashtu, policia ka sekuestruar motoçikletën me të cilën është kryer kundërvajtja, pasi e njëjta nuk rezultonte e regjistruar.
Policia e Kosovës ka falënderuar qytetarët për bashkëpunimin dhe kontributin e tyre në identifikimin e rasteve që cenojnë sigurinë rrugore.
“Çdo informacion i pranuar trajtohet me prioritet dhe në përputhje me legjislacionin në fuqi”, theksohet në fund të njoftimit./teve1.info/
