Policia po kërkon ndihmën e qytetarëve për kapjen e dy personave të shpallur në kërkim, shkruan teve1.info.
Për këtë qëllim, PK-ja ka publikuar edhe fotografitë e të dyshuarve.
Njëri prej tyre dyshohet se ka kryer veprën penale “Privim i kundërligjshëm nga liria” kurse tjetri për “Privim të kundërligjshëm nga liria”, “Lëndim i lehtë trupor” dhe “Asgjësimi apo dëmtimi i pasurisë”.
“Ne vlerësojmë lartë bashkëpunimin me komunitetin për një shoqëri pa krim, andaj presim që informacionet tuaja t’i kontribuojnë arrestimit sa më të shpejtë të tyre”, thuhet në njoftimin e policisë.
